Олимпоо хаанаас үзэх вэ ?

Олимпынхоо тоглолтын бичлэгүүдийг чанарын өндөр түвшинд мэргэжлийн ур чадвартай хөтлөгчөөр тайлбарлуулж үзэхийг хүсэж байна уу ? Тэгвэл NBCOlympics.com руу ороорой. Энэхүү сайт маань Олимпын тоглолтыг дамжуулах албан ёсны эрх авсан АНУ-ын телевизын сайт юм:
- Нээлтийн ажиллагаанаас өгсүүлээд олимпын эргэн тойронд болж байгаа үйл явдлын бичлэгүүд бүрэн эхээрээ (Хэрэв нээлтийн ажиллагааг үзэж чадаагүй бол эндээс үзэж болно, бас Хятадын соёл, урлаг, зан заншил, түүхийн талаарх баримтат кинонууд)
-Бүх төрлийн тэмцээний бичлэгүүд бүрэн хэмжээгээр (Хэрэв та Монголынхоо тамирчдын тоглолтын бичлэгүүдийг дахиж үзмээр байвал спортынх нь төрлийг сонгоод тамирчны нэрийг сонгоход холбогдох видеонууд нь гараад ирнэ. Нээрээ өчигдөр манай Түвшинбаярын алтан медаль авсан талаарх бичлэгийг оруулсан байна лээ. Хэрэв та бичлэгийг үзэе гэвэл Монголын анхны алт энэ нэрэн дээр дараад үзээрэй)
- Оролцогч орнуудын танилцуулга (Жишээ нь Монголын талаарх мэдээлэл, Олимпын түүхэнд хичнээн медаль авч байсан, одоо энэ олимпод ямар амжилт үзүүлж байгаа гээд л бүх төрлийн мэдээлэл багтаж байна - энд дараад үзэж болно)
- Олимпод оролцогч бүх тамирчдын танилцуулга (Жишээ нь: Монголд анхны олимпын алтан медаль авчирсан Түвшинбаярын танилцуулга)
- Яг энэ мөчид болж буй тэмцээнүүдийг шууд онлайнаар үзэх боломж (Би Түвшинбаярынхаа алтын төлөөх тоглолтыг энэ сайтаар дамжуулан яг тэр мөчид шууд онлайнаар үзлээшт. Америк хөтлөгч тайлбарлаад л сайхан байлаа)
- Алдартай тамирчидтай хийсэн ярилцлагууд (Жишээ нь өчигдөрхөн Бээжингийн олимпоос 7 дахь алтан медалаа энгэртээ зүүсэн Майкл Фелпстэй хийсэн ярилцлага - энд дараад үз, мөн Гимнастикийн ганцаарчилсан тоглолтоор алтан медаль авсан Настя Люкин, мөнгөн медалийн эзэн Шон Жонсон нартай хийсэн ярилцлага гэх мэт - - энд дараад сонирхож болно)
- Олимпын спонсор компаниудын гайхалтай рекламууд (Жишээ болгоод Виза-гийн рекламуудыг багцлаад яг энэ доор байрлуулчлаа. Play дараад бүгдийг нь үзэж сонирхоорой. Хэдий реклам ч гэсэн нэгийг бодогдуулсан их сайхан бүтээлүүд болсон байна лээ)

За тэгээд тоочоод байвал их дэлгэрэнгүй мэдээ мэдээллүүд, урд хожид үзэж байгаагүй тайзны ардах зурагнууд, олимпын хөгжилтэй, өрөвдөлтэй, харамсмаар агшингууд (Нээрээ сониноос Фелпс, Жонсон 2ийн зэрэгцэж зогсоод авахуулсан зургийг харсан чинь инээд хүрээд. Энд дээр зургыг нь тэсэлгүй тавьчихлаа (Баруун гар талаас Домогт Майкл Фелпс, Гимнастикийн дэлхийн аварга Шон Жонсон зүүн гарт нь) эсвэл Энд дараад галлерейг нь бүхлээр үзээрэй)
Би ерөөсөө энэ сайтнаас салахаа байсан. Бараг зурагт харахаас хавьгүй дээр юм билээ. Тэгээд бас тэр бээжингийн олимпын албан есны сайтааас хэд дахин илүү юм байна. Сануулж хэлэхэд видеонуудыг нь үзэхийн тулд Microsoft Silverlight 2.0 гээд програм суулгасан байх хэрэгтэй. Гэхдээ санаа зоволтгүй ээ, өөрсдөө шууд линкийг нь өгсөн байгаа, эхлээд download хийж PC дээрээ суулгаад дараа нь install хийгээд л саадгүй шууд гарна.

Эцэст нь хэлэхэд зүгээр л ороод үз.

Read more...

Oнцлох содон үйл явдлууд (SYTYCD Season 4 FINAL)

Өчигдрийн оруулсан бичлэг маань нэг хоногын өмнө болж өнгөрсөн SYTYCD финал тоглолтыг ерөнхийд нь тоймлон хүргэсэн бол өнөөдөр энэ дугаарын онцлох содон үйл явдлуудын талаар тус бүрт багахан хэмжээний тайлбар өгч видео бичлэгүүдийг нь youtube playlist-дээ орууллаа.
1. Nigel Rocks!!! - Миний хамгийн их сонирхол татсан үзүүлбэр бол яалт ч үгүй Найжл-ын (энэхүү шоуны ерөнхий продюсер, шүүгч. Дашрамд дурдахад энэ эрхэм маань American Idol-ын ерөнхий продюсер-аар давхар ажилдаг юм.) бүжгийн академын сурагч хүүхдүүдтэй хамтарч үзүүлсэн бродвэй бүжиг байлаа. Хэдий нас өндөр гарсан ч гэсэн хүүхдүүдээсээ ялгарахгүй хурдан шаламгай хөдлөж байгаа нь үнэхээр бахархах сэтгэгдэл төрүүлж байлаа. (2-т орсон байгаа Top 4 - Second Guest Performance нэртэй видео)
2. Шилдгийн шилдгүүд - Бүх 4 season-ы шилдгийн шилдэг бүжигчид хамтран нэг тайзан дээр гарсан нь үнэхээр сонирхол татсан үйл явдал байлаа. Жишээ нь: Лорен (season 3), Сандра (season 1), Доминик (season 3), Донил (season 2), Лэйси (season 3) гэх мэт. (3-т орсон байгаа Former Contestants нэртэй видео)
3. ТОП 20 performance - Энэ жилийн шилдэг 20 бүжигчид маань дахин хамтдаа бүжиглэсэн нь бас л үзэгчдийг шуугиулсан үзүүлбэр байлаа. Ялангуяа төгсгөлийн хэсэг дээр шалгарч үлдсэн 4 голд нь зогсож үлдээд бусад оролцоргчид нь унаж байгаа нь тэмцээний гол утга санааг харуулж байлаа. (4т орсон Top 20 Group routine нэртэй видео)
4. Fantastic vs. PacMan - Брэйк дэнс-аар хичээлддэг 2 залуугын тулаан үнэхээр үзэгчдийг хөгжөөсөн бас зэрэг гайхшруулсан үзүүлбэр байлаа. (5д орсон Fantastic vs. Pacman нэртэй видео)
5. Jonas Brothers - Америкын өсвөр насны залуусыг байлдан дагуулж байгаа бойбанд Жонас Бротэрс оролцож ая дуугаа өргөсөн нь гал дээр давс нэмэх шиг үзэгчдийн шуугианыг улам бадраав. (6д орсон Jonas Brothers нэртэй бичлэг)
6. Judges' favorites - Шүүгчдэд таалагдсан бүжгийн үзүүлбэрүүд. (Аз болоход видео цуглуулгандаа бүх шилдэг үзүүлбэрүүдийг нь олж оруулж чадлаа шүү.)
За тэгээд бичээд байвал нүүр дүүрэн л юм болох юм шиг байна. Та өөрөө энэ доорх бичлэгүүдээс сонгоод эсвэл эхнээс нь дуустал нь үзээрэй. Нэг удаа л плэй дарахад арын бичлэгүүд нь автоматаар үргэлжлээд тоглоод явчих нь шүү. Тухлан сууж таалан соёрхоно уу.

Read more...

THE WINNER IS ...?

Ийнхүү бидний хүссэн хүлээсэн мөч ирж нэвтрүүлгийн үзэсгэлэнт хөтлөгч Кэйт Дили дугтуйгаа задлах тэр мөчид зааланд байсан бүх хүмүүс амьсгаагаа түгжин сэтгэл догдлон хүлээж байна. Тэр дундаа Твич, Жошуа 2 дор бүрнээ өөр өөрсдийнхөө шившлэгийг уншиж тэсэн ядан хүлээж байгаа нь тодоос тод харагдана. Хөтлөгч: "Америкын шилдэг бүжигчнээр Тексасаас гаралтай 19 настай Жошуа шалгарлаа" гэж хэлэхэд зааланд хуран цугларсан үзэгчид тайзыг доргитол орлилдов. Уйлах нь уйлж, инээх нь инээж, үсрэх нь үсэрч үнэхээр бүх зүйл хяналтаас гарав. (хэхэхэ бичих гэж баллаж байна уу ? , ингэснээс видеог нь оруулсан нь хамаагүй дээр юм байна. Нөгөө дуулж байхаар утгыг нь ярьчих гэдэг шиг л. вха ха ха.)
Нээрээ үнэхээр санаанд оромгүй үйл явдал боллоо. Би уг нь охидуудаас түрүүлэх байх гэж бодсон хамгийн түрүүнд Кортни жийгдээд, дараа нь Кэйти маань жийгддэг байшт (Гэхдээ байшдээ Кэйти маань ганзага хоосонгүй шүү, шилдэг эмэгтэй бүжигчин болж 50 мянган доллар кармалаад авсийшо. Хөөрхий Кортниг өрөвдөөд байгаа юм. Юу ч үгүй тайзнаас буулгасаншдээ). Үзүүр түрүү булаацалдхаар Твич, Жошуа 2 үлддэг байгаа. Би хүнд цохилтонд оров. Хэсэгтээ шоконд ... Ноднингийн season 3 ч гэсэн яг л тийм юм болсон юм. Америкчууд ч бас л таавар мэт хүмүүс юмаа. Мэргэжлийн ур чадварыг харахаас илүүтэй үзэгчдийг хэр хөгжөөж баясгасан гэдгээс шалтгаалж саналаа өгөх шиг боллоо. Найжл гээд ерөнхий шүүгч нэгэнтээ хэлжийж билээ. "Энэ тэмцээн бол хэр сайн бүжиглэдгээрээ биш харин үзэгчдээ хэр сайн хөгжөөж байна гэдгээр тодорхойлогдоно" гэж. Нээрээ л энэ тэмцээний явцыг харжийхад яг л голыг нь олж хэлждээ гэж бодогдож байлаа. За тэр яахав ямартай ч ийнхүү 4 дэх удаагийн So You Think You Can Dance шоy маань өндөрллөө. Би нэлээд шинэ шинэ видео бичлэгүүд youtube playlist-дээ оруулсан байгаа шүү. Бүүр зарим нь саяхан хэдхэн цагийн өмнө болсон дугаарын ч бичлэгүүд байгаа. Маргаашнаас шүүгчдийн маань таалсан хамгийн шилдэг үзүүлбэрүүдийн бичлэгүүдийг оруулах болно. Дашрамд дурдахад сүүлийн финал тоглолт дээр бүх үеийн (all seasons) шилдэг бүжигчид маань үзүүлбэр үзүүлж мөн Jonas Brothers (Америкын өсвөр насны залуусыг байлдан дагуулж байгаа бойбанд) оролцож ая дуугаа өргөсөн нь онцлох содон үйл явдлууд боллоо. За ингээд түр бичлэгээ өндөрлөе дөө.(Хэлэхгүй бол хэл загтнаад болдгүй ээ. Энэ бичлэгүүд жаахан чанар муутай юм билээ. Гэхдээ байшдээ чанарыг сайжруулж үздэг нэг арга байна аа. Та яг үзэж байгаа видеоныхоо дэлгэцэн дээр дарахаар тусдаа цонх нээгдээд үндсэн youtube-ийн хуудасруу орно. Тэгээд бичлэгийн цонхны барууд доод талд watch in high quality гэсэн бичиг байгаа. Тэрэн дээр дарахад маш сайн чанартай гардаг юм шүү!!!. Ер нь цаашдаа youtube дээр бичлэгүүдээ үзэхдээ энийг ашиглаж байгаарай.)

Онцлох содон үйл явдлууд бичлэгнээс тэмцээний бүх видео бичлэгүүдийг үзээрэй !!!

Маргааш дэлхийн бүх улс үндэстнийг нэгтгэж чаддаг цорын ганц үйл явдал болох Олимп (Beijing 2008) эхэллээ. Монголоо төлөөлж оролцож байгаа бүх тамирчиддаа Алтан медаль энгэртээ зүүгээрэй гэж ерөөе!!!

Read more...