MAKSIM

Өнөөдөр та бүхэндээ өөрийн сонсох дуртай нэгэн дуучны намтар уран бүтээлийн талаар товч өгүүлэх гэсэн юм.Өчигдөр орой ажлаа тарж ирчээд дууныхаа цуглуулгаас орос дуу сонсож суутал нэлээн дээр оруулж байсан Максимын хэдэн дуу үнэхээр сайхан мэдрэмж төрүүллээ. Ёстой л сонсоод сонсоод уйддаггүй сайхан дуунууд байгаа юм. Максим (Жинхэнэ нэр нь Марина Максимова) талаар товч өгүүлэхэд Оросын Татарстан мужын Казань хотод төрсөн бөгөөд хүүхэд ахуй наснаасаа хөгжим сонирхож, дууныхаа үг ая ыг өөрөө бичдэгээрээ бусад дуучдаас ялгаатай юм. Оросын эстрад ертөнцөд хөл тавиад удаагүй ч өсвөр үеийн залуусыг аль хэдийн өөрийнхөө дуу хоолойгоор байлдан дагуулж чадсан мөн гаргасан цомогууд нь Оросын поп ертөнцөд байгаагүй хэмжээгээр борлогдож бас нэгэн шинэ рекордыг тогтоосон билээ. Мөн энэхүү дуучин маань өнгөрсөн 3 сарын 22 нд өөрийнхөө болон үзэгч фэнүүдийнхээ хүссэн хүлээсэн тайлан тоглолтоо Москвагийн хамгийн томд тооцогдох Олимпийский цэнгэлдэх хүрээлэнд хийсэн билээ. Тоглолтын бүрэн бичлэгийг үзэхийг хүсвэл энд дарж орж үзээрэй эсвэл дээр байгаа миний дууны цуглуулгаас орж үзээрэй. Нээрээ энэ дуучин маань ая үгийг нь өөрөөө зохиодог бөгөөд гаргасан дуу болгон нь ХИТ болдог болохоор үнэхээр бишрэхээс өөр аргагүй юм. Дашрамд дурдахад өөрт таалагддаг болон Орос-т ХИТ болж чадсан дуунуудын клипыг энэхүү бичлэгтээ хавсаргаж орууллаа. Надад хамгийн их таалагддаг дуу нь "Мой рай", "Трудный Возраст", "Знаешь ли ты" гурав нь. Тийм ч учраас цуглуулганыхаа хамгийн эхэнд байрлууллаа. Танд ч гэсэн таалагдана гэж найдаж байна. Үгнүүдийг нь оруулах гэхээр зай их эзлэх гээд байсан болохоор линкийг нь энд орууллаа шүү. Maksim - Lyrics - Ийшээ ороод дууных нь нэрээр хөөгөөд үгнүүдийг нь олж аваарай. За олон зүйл нуршаад яахав хэрэв та энэ дуучны талаарх дэлгэрэнгүй мэдээллийг авахийг хүсвэл албан ёсны вэб сайт болох maxi-m.ru ороорой.