Өчигдөр эгчийнхээ урилгаар алдарт Cirque Du Soleil циркийн Kooza шоуг Калифорнийн Дел Мар хотод очиж үзчихээд ирлээ. Үнэхээр гайхалтай тоглолт үзсэнийг хэлэх үү, өөрийн эрхгүй энэхүү постоо бичиж сууна. Олон хүнд хүрээсэй, боломж байвал бүгд энэ тоглолтыг үзээсэй гэсэндээ энэ циркийн талаар бага сага мэдээлэл цуглуулж, мөн зураг, видео бичлэгүүдийг хамт хавсаргалаа. Тоглолт эхлэхээс өмнө эгчтэйгээ яриад сууж байсан чинь би бараг 7-р ангиасаа хойш цирк үзээгүй юм байна шүү дээ. Тийм болоод ч тэрүү эхнээс нь авахуулаад дуустал нь яг л жоохон хүүхэд шиг алмайрч, амьсгаа даран үзэж суув.
Дэлгэрэнгүй...

Сүүлийн үед цаад Цэгмээ чинь ойр дотныхоо хүмүүсээс нэлээн их эрүүний шөл уугаад байгаа. Нэг хүнээс ч биш эргэн тойронд байгаа бүх л хүмүүс хэлээд байгаа болохоор олны үг ортой гэгчээр ойрноос өөрийнхөө юу нь болохгүй байгааг олох, засаж залруулах тал дээр түлхүү анхаарахыг хичээх боллоо. Өнгөрсөн хэд хоногын эрэл хайгуулын дүнд дараахи дутагдлууд хамгийн их шүүмжлэлд өртөж байгааг анзаарав. Тиймээс ойр дотны хүмүүсээ дуудаж хэвлэлийн бага хурал хийлгэж тус бүрт нь тайлбар хийж мөн түүнээс гарах арга замуудыг өөрийнхөө үгээр сийрүүлэн бичив. Дэлгэрэнгүй...

Өнөөдөр нэг боломж гарсных та бүхэндээ Gogo Music -ийн шилдэг арван дууны video клипийг багцлан хүргэж байна. Ойрдоо ажил төрөл, хувийн амьдралдаа илүү анхаарал хандуулаад хөөрхий блогоо гаргуунд нь хаячихаж. Одооноос эхлэн блогоо дахин идэвхитэй хөтлөж эхэлнэ ээ. Энэ цуглуулгаас Classic Gem, Заяа, Одноо, Агиймаа, Gee -гийн дуунууд надад илүү их таалагдлаа. Та ч гэсэн сонсоод ямар дуу таалагдаж байгаагаа сэтгэгдэл дээр бичиж үлдээгээрэй. Цаашдаа тухайн үед HIT болж байгаа Монгол клипүүдийг тогтмол оруулж байвал зүгээр юм шиг санагдлаа. Дэлгэрэнгүй...

Хүн болгон өөр өөрийн гэсэн баримталдаг зарчимтай (Би л зарчим гээд бгаа юм шүү, мөрдлөгө ч гэж болно). Дотроо л бодож, өөрийгөө л хурцалж явдаг болохоос биш тэдгээр зарчимуудаа тэр болгон ил гаргаад байдаггүй. Яахав ойр дотныхоо хүмүүстэй хуваалцаж байгаа байх л даа, гэхдээ бүгдэд хараахан хүрч чадахгүй байна. Тэгэхээр хүн бүрийн тэр олон сайхан зарчмуудыг нэгтгэж нэг шүлэг болгон олонд хүртээлтэй болгож чадах юм бол гүэй мөн ч их хэрэгтэй эд болно доо. Зарчим бол товч бөгөөд тодорхой байдаг (жишээ нь би тийм хүн байхыг хүснэ, би ийм зантай байхыг боддог, би тэрийг тэгэж үздэг гээд л), тэгэхээр шүлэг л хамгийн тохиромжтой хэлбэр юм байна. Дэлгэрэнгүй...

Блог гэхээр л санаа бодлоо зөвхөн бичгээр илэрхийлээд байдаг сайт хэмээх ойлголт чинь өнөө үед аль хэдийн хоцрогдож хө. Интернет технологи хөгжихийн хэрээр блог ч гэсэн хувьсан өөрлөгдөж, цоо шинэ төрлийн блогууд үүсэн гарч байна. Та санаж байгаа бол дээх нь би Твиттер микроблогын талаар пост оруулж байсандаа. Харин энэ удаа жишээ болгож аудио блог, видео блогын (vlog) талаар товч дурдах гэсэн юм. Ерөнхийдөө эдгээр блогуудын гол утга санаа бол бичгэн блогтой төстэй л дөө, гэхдээ мэдээллээ хүмүүст хүргэх арга нь өөр гэх юм уу даа.

Бичгэн Блог - Classical - За энэ төрлийн блог бол бидний он удаан жил хэрэглэж сурсан нөгөө юм бичээд л байдаг блог. Манай Монголчууд маань ихэнхи нь ийм төрлийн блог хөтлөнө. Blogspot, Wordpress мөн Монголын хэд хэдэн блог сайтууд байгаа та андахгүй биздээ. Блогчин маань бичих дуртай, уншигчид маань унших дуртай бол ийм блогтой байхад л хангалттай. Энэ төрлийн блогын талаар Та бүхэн надаас сайн мэдэж байгаа болохоор цааш нь тайлбарлах илүүц биздээ.Гэхдээ зарим уншигчид маань унших цаг зав байдгүй учраас audio, video блогыг илүүд үзнэ.

Аудио Блог - Audio Blog - Гол санаа нь бол тэр блогтоо бичиж байсан постуудаа аудио хэлбэрт шилжүүлнэ гэсэн үг. Ингэснээр уншигчид хаана ч явсан IPod, mp playerээсээ таны блогын бичлэгүүдийг шууд сонсох боломжтой болно. Цаг ч хэмнэнэ, бас сонирхолтой. Нөгөө аудио номтой төстэй гэх юм уу даа. Магад таны аудио блог олон сонсогчидтой, алдартай болоод ирэх юм бол CD болгоод ч гаргасан болно шүү дээ.

Энэ төрлийн блогын нэг тод жишээ бол подкаст (podcast) юм. Подкаст аудио, видео аль ч хэлбэрээр байж болдог. Гэхдээ аудиогоор илүү алдартай гэж бодож байна. Би анх англи хэл сурч байхад Bob and Rob шоу гээд англи хэлний хичээлүүдийг их сонсдог байж билээ. Хичээл гэхээсээ илүү Боб, Робын аудио блог гэсэн зүгээр юм шиг. Яагаад гэвэл тэр 2 нэг их албан ёсоор хичээл заахгүй ч өөрсдийнхөө санаа бодлыг солилцож хажуугаар нь хэл сурах аргууд заана.


Ер нь хүн болгон аудио блог хийх боломж нээлттэй байгаа шүү. PC дээрээ биччихээд imeem.com гэх мэтийн social music сайт дээр upload хийж ч болно. Тэгээд дараа нь яг над шиг блог посттойгоо хавсаргаад оруулчихгүй юу. Сонсох нь сонсоод, унших нь уншина биз. За youtube дээр ч дүрсээ өгөхгүй slideshow ашиглаад аудио пост оруулж болно дөөө. Манай Монгол блогчид эндээс санаа аваад сонирхолтой аудио блог хийнэ гэдэгт найдаж байна. За аудио блогоо байя зүгээр л та өөрийнхөө сонирхолтой 1 постоо аудиоруу хөрвүүлээд үз.


Видео Блог буюу Vlog - За энэ бол сүүлийн үед хамгийн их эрчээ авч байгаа блогын нэг төрөл юм. Та бодвол хаа нэгтээ хэн нэгний Vlog-ыг үзсэн л байлгүй дээ. Дээр дурдсан төрлөөс ялгагдах гол онцлог амьд дүрс, аудио. Ингэснээр үзэгчидтэй илүү дотно уур амьсгалыг бүрдүүлж чадна. Илүү ч хүмүүсийг татна. Өнөөгийн хүмүүс ч чинь юм унших, сонсохоосоо илүүтэй шууд амьдаар нь үзэх сонирхолтой болчиж. Мөн л аудио блогтой адил хэн ч Vlog хөтөлж болно. Олон гоё видео broadcasting сайт байгаа даа. Youtube, Ustream, гээд л бум түм. За дөө youtube л байхад хангалттай. Видео блогын нэгэн жишээ үзүүлье. Энэ Асвтрали Охин бол бүүр мэргэжлийн болчихсон юм билээ.



Видео upload хийх аргууд: Эхлээд блог постоо PC дээрээ видео рекорд хийчээд тэгээд дараа нь файлыг нь youtube-т upload хийх нэг арга байна. Эсвэл Ustream мэтийн сайт ашиглаад шууд онлайн өөрийгөө бичээд youtube рүү шилжүүлэх бас нэг арга байна. Надад сүүлийнх нь арга их амар юм шиг санагдаад байгаа. Computer дээрээ янз бүрий видео про суулгахгүй амар. Өөрийнхөө видео пост хийх гэсэн арай бэлэн бус байна аа (бэлтгэл ажил хангагдаагүй, техникийн тал дээр ганц 2 асуудал шийдэх хэрэгтэй), гэхдээ удахгүй 1 видео пост хийж үзэх санаа байгаа.Манай Монголчуудаас видео блог хөтөлдөг хүн ер дуулаагүй шүү. Эндээс санаа аваад олон гоё Vlogууд төрөн гарна гэдэгт найдаж байна.
Дэлгэрэнгүй...

Нэг харахад миний амьдрал болоод л байгаа юм шиг - хийж сурсан ажил, илүү ч үгүй, дутуу ч үгүй мөнгө, тайван амьдрал, тавлаг орчин гээ л бүх юм дажгүй шүү. Нэг ёсондоо энэ амьдралын хэв маяг маань миний Comfort Zone болоод хувирчихаж. Comfort Zone гэж яг юуг хэлээд байна аа гэж хэн нэгэн асууж магад. Шууд үгчилж орчуулах юм бол дассан (заншсан, сурсан, тухтай) орчин гэх юм уу даа. Хоёрхон үгээр хөрвүүлэх гэхээр утгыг нь бүрэн илэрхийлж чадахгүй байгаа юм шиг санагдаад болдгүй. Та яг оносон үгийг нь мэдэж байгаа бол надад хэлээрэй. За даа энэ үгэндээ гол нь биш юм аа, хамгийн гол нь утгандаа.

Дээр хэлсэнчлэн бидний Дассан Орчин (Comfort Zone) - Өнгөц харахад болоод л байгаа амьдрал. Нэг ч их мөрөөдсөн ажил биш ч гэсэн амьдралыг чинь залгуулчихдаг, нэг ч их мөнгө олохгүй хэрнээ зардлыг чинь нөхчихдөг, нэг ч их жаргалд умбуулахгүй ч, зовоохгүйхэн шиг байдаг, эрсдэл, айдас, санаа зоволт харьцангүй бага тайван ийм л амьдралыг хэлээд байгаа юм.

Мэдээж хэн ч гэсэн айдас хүйдэсгүй тайван амьдралын хэв маягаас гарахыг тэр болгон хүсэхгүй. Би ч гэсэн яг л ийм байдалтай байна. Гэхдээ сүүлийн үед нэг л сэтгэл хангалуун бус, нэг л юм үгүйлэгдээд, нэг л юм дутагдаад байх боллоо. Сүүлийн үед ч гэждээ, ер нь миний сэтгэлийн гүнд байнга л байсан юм шиг байгаа юм. Анзаарч, тоож харж байгаа нь саяханаас болохоос биш. Миний амьдралыг хөндлөнгөөс харсан хэн нэгэн: "Юу дутагдаж, гачигдсан гэхээр хангалуун бус байдаг байна аа? ёстой нөгөө жаргал нь жад болно гэгч л энэ байхдаа" гэж хэлж магадгүй л юм.

Энэ Comfort Зондоо амьдраад байж болно л доо, болно, бүр насаараа ч амьдарч болно. Гэхдээ хамгийн харамсмаар зүйл нь энэ орчинд удаан байх юм бол өөрийгөө ирлэнэ, хурцлана, хөгжүүлнэ гэх юм байхгүй, хүсэл мөрөөдөл нь замхран алга болж, зүгээр л өдөр хоногыг аргацааж, үхлээ хүлээж суухтай л агаар нэг болчих гээд байх шиг. Өөрөөр хэлэх юм бол уул өөд мацаж яваад оргилд нь хүрэлгүй уруудаж яваа хүнтэй л адилхан болчих гээд байна.

Надад яг юу үгүйлэгдээд байна, яг яавал би амьдралдаа сэтгэл хангалуун болох вэ гэж нэлээн л бодлоо. Бодсоны эцэст надад - шинэ бэрхшээл, шинэ орчин, шинэ айдас, шинэ эрсдэл, шинэ алдаа, шинэ ажил гээд л шинэ л гэсэн бүх зүйл дутагдаж байна гэдгийг олж илрүүлэв. Хүн чинь шинэ асуудалтай тулж л хөгждөг юм байна, шинэ эрсдэл, айдастай тулж л өөрийгөө хурцалдаг юм байна, шинэ алдаа хийж л суралцдаг юм байна, шинэ орчинд орж л шинэ санаа, шинэ арга барилтай болдог юм байна.

За одоо юу дутагдаж байгаагаа мэдэж байгаа юм чинь хурдхан гарчихая гэсэн зам дээр нэг нүсэр том саад хөндөлдөж зогсчихоод болдоггүй шүү. Тэр нь хэн гээч "БИ" өөрөө. Би л өөрөө өөртөө хамгийн том хана, хамгийн том бул чулуу, хамгийн том мангаа юм байна. Саад болдог шалтгаан:

Би гэдэг хүн нийтдээ гурван Цэгмээгээс бүрдэнэ. Эхнийх нь шийдвэр гаргагч, гүйцэтгэгч Цэгмээ. Дараагийн хоёр нь болохоор миний шадар зөвлөхүүд. Нэг нь дандаа зөв юм зөвлөнө (Angel Цэгмээ), нөгөө нь дандаа буруу зүйл зөвлөнө (Evil Цэгмээ). Тэгээд Комфорт Зон-оосоо гарах эсэх талаар хэлэлцэхээр яадаг вэ гэхээр, (Хурлын танхимаас шууд)

АнгелЦэгмээ: Ёстой зөв, гарах хэрэгтэй. Шинэ орчин, шинэ бэрхшээл, шинэ ажилтай шууд нүүр тул. Тэгснээр чи өөрийгөө хөгжүүлнэ, илүү сэтгэн хангалуун амьдрах болно. Энэ байдалдаа байгаад юу ч өөрчлөгдөхгүй. Зоригтой, тууштай бай!

ЧөтгөрЦэгмээ: Ээээ юуун дэмий асуудал оруулж ирдэг юм бэ дээ. Дассан орчиноосоо гарна гэдэг тийм ч их хүсээд байх зүйл биш. Аймар их айдас, аймар их бэрхшээл, аймар их эрсдэл. Ингэж өөрийгөө шаналгах хэрэг байна уу? Хэдүүлээ сайхан л амьдарч байна шүү дээ. Өөр юу хэрэгтэй гэж? Чи тэгээд ч шинэ ажилд тэнцэхгүй, шинэ орчинд дасахгүй, шинэ бэрхшээлийг давахгүй. Хөнжлийнхөө хэрээр хөлөө жийсэн дээр байхаа хө.

Шийдвэр гаргагч Цэгмээ: За та харсан уу? энэ Чөтгөр Ангелаас илүү их тайлбар тавьж байгаа биз? Нээрээ л одоо болж байхад тэр их шинэ айдас, шинэ бэршээлийн хэрэг ч байна уу дөө. Гэхдээ Ангелын хэлсэн үг болгон зөв л дөө. За за толгой эргэчлээ. Тэгэж байгаад болох биздээ. Дараа нь дахин энэ асуудлыг оруулж ирнэ ээ.

ХаХаХа яг л ийм юм миний толгойд болно шүү дээ. Энэ Чөтгөрийг уул нь ажилаас нь хална гээд л бодоод байгаа юм. Гэхдээ лүд чинь дээгүүрээ холбоо сүлбээ ихтэй юм аа. Танд нэг иймэрхүү зүйл дохиолдоно биз? Comfort Zone-оос гарах өөр арга мэх байна уу? Дэлгэрэнгүй...