Юуны өмнө их ажлынхаа хажуугаар, хэрэгтэй мэдээ мэдээллийг твиттер дэх Монголчууддаа, шуурхай хүргэж байдаг Д. Энхбат гишүүндээ талархах нь зүйтэй байх аа. За үндсэн сэдэвтээ оръё: "УИХ-ын тогтоолын төсөлд Цөмийн түлшний шаарыг Монголд булшлахыг зөвшөөрч оруулж иржээ." (6 сарын 18, 2009, Д. Энхбатын гишүүний твитрээс). Энэ одоо арай дэндэж байгаа юм биш үү ? Ямар тэнэг дуракын толгойд Цөмийн түлшийг эх нутагтаа булшлах зөв санаа гэдэг бодол орж ирдэг байна аа. Яалт ч үгүй цаана нь бизнесийн ашиг сонирхол явж байгаа л даа. Эд материал, өнгө мөнгөнд шуналаа, шуналаа гэхэд арай ч дээ, өөрсдийнхөө төрж өссөн нутагаа хогын сав болгоно гэдэг чинь юу гэсэн үг вэ ?

Тэгээд байна шүү дээ хамгийн инээдтэй нь
"Дахин хэлэлцүүлэгт оруулах санал 50% / 50% дүнтэй гарсан. Энэ нь уг заалт хянагдана гэсэн үг." (6 сарын 18, 2009, Д. Энхбат гишүүний твиттерээс). - Эхний хуудсыг нь сөхөхгүй шууд буцаах хэрэгтэй баймаар юм, яагаад хэлэлцээд байгаа юм бэ?

Бүүр хөх инээд хүрээд базаад авмаар нь
"Цөмийн түлшний хаягдалыг булшлахгүй .... гэж шууд заасангүй. Бүрхэгдүүлээд орхилоо" (6 сарын 25, 2009, Д. Энхбат гишүүний твиттерээс)

"Цөмийн түлшний шаарыг булшлах талаар УИХ-ын тогтоолд оруулсангүй. Зөвхөн олборлолтын явцад гарсан хаягдлыг боловсруулах гэж бүрхэг заалаа." (6 сарын 25, 2009, Д. Энхбат гишүүний твиттерээс - Шууд Цөмийн түлшний хаягдал болон олборлолтын явцад гарсан хаягдлыг эх орондоо булшлуулахгүй гээд заачихад юу нь болохгүй байна аа? Яасан Монголоо гэсэн сэтгэлээ алдсан хүмүүс вэ ?

Нэг зүйл сануулж хэлэхэд Д. Энхбат гишүүн маань зөвхөн мэдээлэл өгөх үүднээс дээрхи мэдэнүүдийг бидэнд явуулсан бөгөөд би лав хувьдаа гишүүн маань энэ төсөлтэй холбогдолгүй гэж бодож байна. Өөрөө ч гэсэн 100% эсэргүүцэж үг хэллээ гэсэн байсан.

За тэгээд энэхүү гайхалтай ухаалаг төслийг оруулж ирсэн дуракуудыг эсэргүүцэж твиттер дэх санаа нийлсэн зарим Монголчууд маань No Nuclear Waste in MGL гэсэн албан бус campaign өнөөдрөөс явуулж эхэлхээр болсон. Энэ нь яадаг компанит ажил вэ гэхээр, твиттерт account-тай Монгол хүн болгон энэ төслийг эсэргүүцэж (боломжоороo) message болгоныхоо хойно No Nuclear Waste in MGL гэсэн үгийг хавсаргаж явуулж байх юм. Энэ ажлын хамгийн гол зорилго нь энэ мэдээллийг олон хүнд хүргэх үүднээс явуулж байгаа. Манайхан хэр амжилттай оролцохыг нь бүү мэд ээ. Зарим нь огт тоохгүй ч байж магад. Харж л байя.

Таны хувь нэмэр ч гэсэн энд чухал шүү! Ганцхан твиттер гэлтгүй та өөрийнхөө бүх төрлийн social network-өөр (YMsger,Hi5,Ymail, Facebook, Myspace, Blog, Web, Forum) No Nuclear Waste in MGL! гэсэн үгийг явууларай!

Би твит дээрээ аль хэдийн явуулчихсөөн. Ямар мсжүүд байгааг http://twitter.com/Tsegmee эндээс уншина уу ?
Дэлгэрэнгүй...

Та энэ гарчигтай санал нийлж байх юм уу? хэхэ, Нийлэхгүй байж ч болно шүү! Би л лав энд ирснээсээ хойш ажиглаад байхад Америкчууд эмэгтэйчүүдэд маань биднээс арай л илүүтэй хандаад байх шиг санагдах юм. (Дулмаа минь л бодогдоод байх юм даа гэдэг шиг мэгшин уйлав БИ, хахаха дараагийн өгүүлбэрийг бичих гэсэн инээд хүрээд байх юм. за бичье дээ). Би Америкчуудад гоморхосондоо, эмэгтэйчүүддээ атаархасандаа, энэ сэдвийг хөндөөгүй юм шүү нөхөдөө хэхэ. Харин аливаад аль болох обжектив байж, юмыг өөр өнцөгөөс нь харах гэсэн чин хүсэлдээ хөтлөгдөн энэ бичлэгийг мутарлаж сууна. Асуулт номер 2: Ганц Америкт гэлтгүй бусад гадаад орнуудад оршин суугаа эмэгтэйчүүдийн маань ихэнхи нь тэндээ аль хэдийн хөлөө олчихсон, эрчүүдээсээ илүү харц дээгүүр, додьгор алхаж байгаа гэдэгтэй та бас санал нийлэх юм уу?

Миний Хариулт: Нөгөө "Ээ дээ энэ хүүхнүүд үү" киноны Дорж шиг Надад бол яг л тэгэж харагдаад байгаа юмдаа. хэхэ. За тэгээд энэ асуудлын үнэн учир, шалтгааныг олох гэж Цэгмээ хүү нэлээн бодолд дарагдсан болтой, хөмсгөө зангидан, цайгаа алгуурхан ойчин, зуухныхаа хажууд өвдөглөн сууна. Бодож бодож бодын шийр дөрөв гэгчээр доорхи шалтгаанууд л байж болох юм гэж Цэгмээ хүү, нам гүмийг үргээн ийн өгүүлрүүн:

Нэгдүгээр шалтгаан болой: Ер нь эмэгтэй хүнийг сул дорой, туяахан согоо, танхил цэцэг гэж эрэгтэйчүүд, бас эмэгтэйчүүд өөрсдөө ч тэгэж боддогоос болоод Америкчууд манай эмэгтэйчүүдийг алган дээрээ арай дэндүү бөмбөрүүлээд байна аа. Жишээ нь: Асуугаагүй байхад л АНУчууд манай охидуудыг тал талаас нь яаж байна ийж байна?, юу хэрэгтэй вэ? ус уух уу ? бие нь зүгээр үү? хэрэг болвол дуудаарай? гээд л гүйж очоод байх юм аа. Би бараг "Наад хүн чин Асуугаагүй байхад та нар нээрээ гүйж очоод байх юм" гэж хэлчих нь холгүй байдийшт.

Хоёрдугаар шалтггаан бөлгөө: За тэгээд Америк эрчүүд бол тэр гүйж очиж байгаа хүмүүсийн 60-70 хувийг эзэлж байгаа юмдаа. Арга ч үгүй биздээ, нөгөө байгаль эхийнхээ хуулиар эр хүйстэн чинь хэзээд эм хүйстэндээ татагдаж байдаг хойно. Гал дээр тос гэгчээр, зарим хүн амьтнаас сонсохнээ Америк залуус Ази охидууд их сонирходог гэлцэх юм. Энэ үнэн үү та минь ээ? За тийм бол ч улаа эргэтэл гүйгээд байхаас яахавдээ хөөрхийс...(шазуураа зуув хахаха)

Гуравдугаар шалтгаан ажгуу: Гэтэл яасан нөгөө хөөрхий хэдэн Монгол эрчүүдийг маань хэн тоож байна? хэн ч тоохгүй байшдээ үнэндээ. (Ихэр татан уйлав хаха) За энэ ч арай худлаа байх аа. Оюутан андууд бол мэдэж байгаа даа, яалт ч үгүй бидний "money = маани" гэж айхтар хүчтэй юмыг сургууль маань авчихсан болохооор эндхийн ажилчид нь амьхандаа урд хойгуур гүйгээд л байдаг юм зайлуул. Ер нь Мөнгөтэй холбоотой бол тооцохгүй ээ, болье.Үнэндээ мөнгө харуулах л юм бол эр ч, эм ч бай хэн ч гэсэн гүйгээд л очих нь ойлгомжтой. Харин жишээ нь ийм ситуацид л яг мөн чанар нь цухуйдаг байхгүй юу: Гудамжны зүүн үзүүрт нэг хөөрхий залуу машан нь эвдрээд таг, гудамжны нөгөө үзүүрт нэг их хөөрхөн Монгол бүсгүй машан нь эвдрээд таг. Дунд нь автобусны буудал дээр баахан Америк эр, эм залуучууд зогсож байна гээд төсөөлье. За тэд хэнрүү нь эхэлж гүйх вэ ? Хэлдээ та? хэлээч хахаха. Мэдээж бүгд (эм,эр гэлтгүй) манай эмэгтэйрүү гүйнэ. Яагаад гэвэл тэр бүсгүй нэг их өрөвдөлтэй царайлчихсан, алаг нүдэндээ доголон нулимстай зогсож байгаа болохоор нь өрөвдөхгүй хэн байх юм бэ. Харин манай залууг маань "Арчаагүй амьтан эр юм байж" гэж ширэв хийж харчаад яваад өгдийшдээ та нар! ахаххахаха татаж уналаа би.

Дөрөвдүгээр шалтаан болой: За тэгээд мэдээж бас л байгалийнхаа хуулиар эмэгтэйчүүд маань үнэндээ эрчүүдээ бодвол илүү тэвчээртэй, шазруун, амьдралын ухаан илүү, сэргэлэн, үзэсгэлэн гоо болохоор хэний ч урд ойгуур бүлтгэнэж гүйж байгаад зорьсон ажилаа бүтээчихдэг юм. Манай эрчүүд бол зайлуул угын жаахан дүүнг, нэрэлхүү, хүн үг хэлэхээс нааш дугардаггүй болохоор ангайчөөд л, шүлсээ гойжуулж явсаар байгаад л ажил бүтсэн юм байхгүй, тоож байгаа хүн мааш цөөхөн. Үнэндээ хэлэхэд тэр цөөнх дотор голчлон Америк сайхан эрчүүд л тус болдиймдаа. Эр хүн эр хүндээ хайртай байдаг гэдэг чинь юниверсал зүйр цэцэн үг юм билээшдээ. хэхэ та мэдэх үү ? хахаахха

Хахахах за больеоо болиошдээ, татаж уналаа бас бууж өгье, бас айхтар урт бичлэг болоод та нарыгаа уйдааж магадгүй дуусгая. Эцэст нь хэлэхэд эмэгтэйчүүд минь дээ та нар сайн явж болно оо, бид сайн яваад чинь үнэхээр ч баярлаж явдаг аа, гэхдээ эр хүн гэдэг чинь та нарын л тусламжтай од шиг гялалзаж, уул шиг ханхайдаг амьтад шүү дээ, чихдээд ч болтугай дагуулаад яваарай биднийгээ. Энэ мсжээрээ би хэнээс ч, юу ч хүсээгүй бөлгөө. Анхаарал тавьсанд баярлалаа. Реклам, Зар Сурталчилгааны Алба. хахахаххаха

Жич: Бас зарим үгнүүдийг албаар дүрмийн алдаатай бичсэн шүү, Эр юм байж ингэж бичээд гээд муулаад байв аа та нар хэхэхэ

*Энэ бичлэгийн нэр дэндүү урт болчихож уу ? Ямар нэгэн нэр хайрлаач плиз
Дэлгэрэнгүй...

Шөнийн 4 цаг 11 минут: Сөөнгө хоолойтой баагий гэртээ орж ирэв. Өнөө шөнө чинь KOST 103.5аар ямар гоё гоё дуунууд явж байх юм бэ? Сая ажлаасаа ирж явах замдаа, машиндаа хоолойгоо сөөтөл л дагаж бахирлаа. Ядаж байхад цаад чинь ганц дууных нь ч үгийг бүхлээр нь мэдэхгүй гэжүга. Мэдэхгүй хэсэг явахаар нь ля ля ля, на на на, аа аа аа эсвэл шоооол өөр үг орлуулаад туучий шүү дээ хэхэхэ. Хамгийн гол нь зогсож болохгүй, хэрэв зогсвол гоё аяаа алдчих гээд байдаг аюултай хахаха. Жишээ нь доорхи листэнд орсон энэ дууг ингэж дуулж байх юм. Дахилтаас нь "Never gonna let you go, hold you ля ля ля, на на на" бас дунд нь нугалаа шүү юм гаргаад байгаа юм аа ХаХаХа.

Нээрээ ажлын шаардлагаас ч гэх үү дээ (жаахан хол), сүүлийн үед радио их сонсдог болоод байгаа. Тэр дундаа энэ ФМ-г би илүү сонсох дуртай. Дандаа л хуучны сайхан уянгалаг дуунуудыг явуулж байдаг юм. Үнэндээ хэлэхэд энэ ФМ-ийн ачаар урьд нь огт сонсож үзээгүй олон сайхан дуунуудыг олж илрүүлсэн шүү. Энэ радиод татагдаад байдаг бас нэг шалтгаан нь шөнийн нэвтрүүлгийнх нь хөтлөгч бүсгүй. Яаая татагдахгүй байхын аргагүй уяхан, намуухан, дөлгөөхөн хоолойтой доо. Амьдрал дээрээ сайхан ч бүсгүй байдаг байх гэж бодоод байгаа.

За ингээд та бүхэндээ нөгөө миний дагаж бахираад байсан хэдэн сайхан дуунуудыг плэйлист болгон хүргэж байна. Таалагдсан эсэх ээ доор сэтгэгдэл дээр бичиж үлдээгээрэй. Мөн өөрийнхөө таалагддаг дууныхаа линкийг ч гэсэн бичээрэй.

Дэлгэрэнгүй...

ХаХаХа, Айхтар нэр өгсөн байгаа биздээ. Энэ гарчигыг хараад л инээд хүрээд байх юм. Өнөөдөр бүх андуудаа Обамажуулах хөтөлбөрт хамруулна аа. Та нар ч гэсэн бүгд идэвхитэй оролцоно шүү! Ингэхэд Обама бид 2 ямар харагдаж байна? хахаха. Би лав өөрийгөө энэ хөтөлбөрт хамруулаад үр дүн нь энэ зураг. Таалагдсан болохоор бараг бүх account дээрээ тавьчихсан. Энэ хөтөлбөрийг хэрэгжүүлэхэд хүн бүрийн хүчин зүтгэл хэрэгтэй болохоор одоо харин таны ээлж! АНУ-ын ерөнхийлөгчийн сонгуулийн үеээр Обамагын нүүр царай болж байсан, нэг үгээр хэлэхэд "алдаршуулсан" энэ гайхалтай зургыг та харахаараа л нэг болоо биздээ. Үргэлжлэлийг дэлгэрэнгүй дээр дарж уншина уу гэж хэлэхгүй бол зарим андууд маань дутуу умшаад байна, дутуу умшаад байна.

Одоо харин Обамаг холдуулж байгаад энэ obamiconme.com сайтын тусламжтайгаар өөрийнхөө зургыг бүтээцгээе! Хэрэглэхэд ёстой амархан юм билээ. Та зургаа татаж орууллаа, өнгө байрлалаа сонголоо конец фильма.

За тэгээд дараа нь хэдүүлээ хэнийх нь зураг тасархай болж вэ? гэдгийг шалгаруулж, баярын бичиг, мөнгөн шагнал гардуулах нь ч арай худлаа байх аа. Зүгээр л сайхан биширч, цэвэр агаар бэлэглэе ээ. хэхэ
Дэлгэрэнгүй...

Нэлээн дээр UP хүүхэлдэйн киног үзсэн ч гэлээ одоо болтол санаанаас гарахгүй юм. Ялангуяа UP-ын өмнө нь явсан Пиксарын богино хэмжээний Бага зэрэг үүлэрхэг/Partly Cloudy гээд киног дахиж үзэх юмсан, олж авах юмсан гэж гүэй мөн эрэл хайгуул хийв. Нөр их хайгуулын үр дүнд өнөөдөр олж авлаа. Ёстой хөөрхөн зохиолтой, гайхалтай зураглалтай кино болсон байна билээ. Ингээд энэ удаагынхаа бичлэгээр та бүхэндээ Pixar-ын ихэнхи богино хэмжээний хүүхэлдэйн кинонуудыг багцлан, (бага зэрэг үүлэрхэгтэй хамтатган) хүргэхээр бэлдлээ. Пиксар студио хүүхэлдэйн киноны салбарт үнэхээр хувьсгал хийж, урьд зөвхөн хүүхдүүдэд зориулдаг байсан бол АП, Карс, Монстер Инк, Рататули-аас өгсүүлээд бүхий л насныхан үзэхээр хийдэг болсон нь маш том дэвшил юм. За тухлан сууж таалан соёрхоно уу.

Partly Cloudy/Бага зэрэг үүлэрхэг (2009)


2009 оноос өмнө хийгдсэн бусад хүүхэлдэйн кинонууд

Дэлгэрэнгүй...

Өнөөдөр та бүхэндээ өчидгдөрхөн ялагчаа тодруулсан Две Звезды ТВ Шоуны 3-р сезоны шилдгийн шилдэг бичлэгүүдийг хүргэхэд бэлэн болоод байна. Энэ шоуны талаар товч дурдахад Оросын Нэгдүгээр сувгаар бүтэн сайны үдэш бүр гардаг бөгөөд за даа бараг өнгөрсөн хэдэн сарын Оросын Номер 1 шоу байсан гээд л хэлчихэд нэг их буруудахгүй байх аа. Энэ шоу маань 2006 онд анхны сезоныг эхлүүлж байсан бол өчигдөрхөн 3 дахь сезоныхоо ялагчийг (Марк Тишман/Нонна Гришаева 2 түрүүлсэн)тодруулж 3 дахь жилийнхээ нүүрийг үзэж байна. Энэ нэвтрүүлгийг шууд үгээр хэлэхэд дууны тэмцээн гэж хэлж болох юм. Гэхдээ зүгээр ч дуучид биш харин Оросын соёл урлагын төдийгүй бүхий л салбарын шилдэг одууд оролцдогоороо онцлогтой.

За даа тэгээд бас нэг начир нь гэвэл дуучид хос хосоороо нэг баг болон оролцдог байгаа юм. Нэг багт заавалч үгүй нэг дуучин од байх ёстой гэсэн бяцхан дүрэмтэй. Харин партнер нь урьд өмнө тайз нь дээр дуулж үзээгүй бусад салбарууд томоохон төлөөлөгч одууд байх ёстой. Жишээ нь кино урлагын одууд, улс төрчид, нэвтрүүлгийн хөтлөгч, гээд л.

Миний орос блогоор ордог зарим андууд маань санаж байгаа бол би урьд нь орос блогдоо энэхүү тэмцээний өмнөх 1,2 сезонуудын бичлэгүүдийг оруулж байсан даа. Ер нь энэ шоу анхнаасаа Оросын үзэгчдийн талархалыг хүлээж, тэр хэрээрээ Оросын ТВ нэвтрүүлгүүдийн дунд толгой цохиж явдаг нэвтрүүлэг.

За одоо харин 3 сезоны хөтлөгч оролцогчидын талаар товчхон дурдахад: Энэ сезон маань 3 сарын 9-с 6 сарын 7-ны хооронд явагдсан бөгөөд Нэвтрүүлгийг 3н гунхасан хүүхэн хөтөлсөндөө. Ксения Собчак (Оросын Пэрис Хилтон, хөтлөгч, жүжигчин), Татьяна Лазарева (СТС сувгаар гардаг хошин нэвтүүлгийн хөтлөгч/жүжигчнээр нь таних юм байна) и Тина Канделаки (Нэг хэсэг МТВ-ийн халуухан хөтлөгч байсан, СТС-ийн үдшийн нэвтрүүлгүүдээр нь санах юм байна)

Оролцогчид: 3-р сезонд нийтдээ 12 баг буюу хосууд оролцсон бөгөөд нэлээд залуу дуучид, одууд оролцсон байна билээ. Ялангуяа бүсгүйчүүд нь тасархай даа. Миний танихаас эмэгтэйчүүд: Дайнеко (Лэйла, Я просто от тебя уйду), Зара (Фабрика Звезд-ын оролцогч), Анна Седокова (Хуучин ВИА-ГРА-ын халуухан бүсгүй), Нонна (Большая Разницаг-ын авъяаслаг жүжигчин). Эрчүүдээс: Тишман (Фабрика Звезд-ын оролцогч), Дмитрий Певцов (Большая Разница), Григорий Лепс (Парусыг дуулдаг) за нэрийг нь санахаас л энэ. Ер нь бүгдэнг нь харсан юм билээ.
За одоо хэдүүлээ нэвтрүүлгийнхээ шилдгийн шилдэг видеонуудаа хамтдаа сууж үзэцгээе. Дагаад ч гэсэн дуулаарай!!! Би өнөө шөнө унтахгүй байх аа. хэхэ

Дэлгэрэнгүй...

Намайг арван жилд байхад л манай байрныхан танай байрныхантай бүжгээр өрсөлдөнө, маргааш хичээл тараад цэцэрлэгт тулаантай шүү! гээд л их л хөөрхөн тэмцээн болдог байж билээ. Охидууд, хөвгүүд гэлтгүй бүгд холилдож, эсвэл дангаараа охидоороо, эсвэл дан хөвгүүд гэж хэд хэдээрээ баг болж хуваагдаж байгаад л, тэр үеийн айхтар том систем хөгжмөө цэцэрлэгийн арын хаалганы хажуугын хавтан дээр хамаг чангаар нь орилуулж байгаад л, бүжгээр ана мана тулалддаг байсныг та санаж байна уу? Одоог бодвол чөлөөт цагаа ёстой зөв өнгөрөөж байсан юм шиг байгаа юм. Энэ дурсамжаа дурдсаны учир гэвэл өнөөдөр та бүхэндээ Америкын Бүжгийн Шилдэг Хамтлаг шалгаруулах "America's Best Dance Crew" (ABDC нэрээрээ алдартай) ТВ Шоу тэмцээний өнгөрсөн 3 дугаар season-ы ялагч болох "Quest Crew" хамтлагын гайхалтай тоглолтуудыг толилуулах гэсэн юм.

Эхлээд энэхүү тэмцээний талаар товч дурдахад MTV сувгаар анх гарч эхэлснээс хойш өнөөг хүртэл нийтдээ 3 season буюу 24 эпизодыг үзэгчдээ хүргээд байгаа билээ. Тэмцээний гол зорилго нь Америкын Гудамжны Бүжгийн Шилдэг хамтлагийг шалгаруулах явдал бөгөөд түрүүлсэн хамтлагт 100,000 долларын шагнал өгдөг байна.

Одоо харин энэ шоуны 3 дугаар сезоны ялагч Quest Crew хамтлагын талаар товч дурдая. Энэ хамтлаг нь анх Калифорни мужын Лос Анжелес хотод үүсэн байгуулагдаж байсан бөгөөд дан Ази гаралтай Америк гишүүдээс бүрдсэн байдгаараа бусад хамтлагуудаас онцлог юм. Гуравхан сарын өмнө буюу 3 сарын 5нд энэ хамтлаг маань Америкын шилдэг бүжгийн хамтлагаар шалгарснаар тэдний гайхалтай ур чадвар, авъяас нь албан ёсоор олон нийтэд хүлээн зөвшөөрөгдсөн билээ.

Бас нэг сонирхолтой зүйл хэлэхэд энэ хамтлагт 10 идэвхитэй гишүүн байдаг бөгөөд тэдний 5 нь Америкын хамгийн том бүжгийн шоу тэмцээн болох "So You Think You Can Dance" (SYTYCD) тэмцээнд оролцож зарим нь бүүр финалд хүртэл шалгарч байжээ. Би лав 2 гишүүнийг нь тодоос тод санаж байна. Нэг нь Доминик (SYTYCD season-3-ын финалист), нөгөө нь Хок (мөн л season-3-ын финалист). За та зүгээр л доорхи бичлэгүүдийг үзээд л ямар авъяаслаг залуус болохыг нь харна даа.

Сонин байж магадгүй гэж бодоод энэ тэмцээний (ABDC) 3-p сезоны аман хүзүүнд орсон, өөрөөр хэлэх юм бол Quest Crew-гийн хамгийн хүчтэй өрсөлдөгч байсан Охидын Beat Freaks хамтлагын бичлэгүүд давхар орууллаа шүү.

ABDC тэмцээний season 3 - Quest Crew хамтлагын бүх тоглолтууд (Дан бүжгийг тасдаж цуглуулсан хувилбар)


ABDC тэмцээний season 3 - Beat Freaks хамтлагын бүх тоглолтууд (Дан бүжгийг тасдаж цуглуулсан хувилбар)


ABDC тэмцээний season 3 - Quest Crew хамтлагын бүх тоглолтууд (Бүрэн эхээрээ - Бүжгийн үзүүлбэр тус бүрийн бэлтгэл, Жинхэнэ тоглолт, Шүүгчдийн санал бодол)

Дэлгэрэнгүй...